Hæ alle sammen.
Vaknaði á föstudagsmorguninn kl 04:00 "einfættur" eða þannig. Vinstra hnéð var alveg helaumt og greinilegt að ég hafði orðið fyrir miklu hnjaski um nóttina. Ekki rekur mig minni til þess að hafa verið í sóknarlínunni í fótbolta eða neitt tengt íþróttum þótt ég sé mikill unnandi íþrótta, þá aðallega í sjónvarpi.
Mér datt nú bara í hug sá mikli indíánahöfðingi Wounded knee eða eins og sá sami höfðingi var nefndur í einni Lukku-Láka bókinni, Undna hnéð
Svo ég henti í tvö kryddbrauð sem bökuðust síðan.
En föstudagurinn leið eins og hver annar mánudagur og ég bókstaflega var draghaltur en þegar ég var að setjast inn í bílinn var eins og maður væri að fara að troða sér í skókassa undan flókainniskóm númer36. En það tókst alltaf að komast inn í bílinn en ekki var betra að komast út úr honum aftur, það var eins og skókassinn hefði hlaupið niður í númer 26.
Um kvöldið er ég fór til náða og háttaði var eins og vinstra lærið væri fullt af vökva og leist mér ekki á blikuna.
En það er allt á réttri leið hnéð.
Bless, Trausti

Halló, halló. Það er sunnudagur, þá á maður að slappa af. Halda skal hvíldardaginn heillagan stendur víst einhversstaðan. og ég gat ekki staðið við það. Það er að koma vetur og það þarf að gera veturklárt. Það kostaði það, að grillið, garðhúsgögn og fleira þurfti að komast í hús, ef hús skyldi kalla. Það er forláta skúr hér á lóð minni sem hefur staðið hér svo lengi að elstu menn muna ekki annað eins, enda löngu orðnir minnislausir. En ekki dugði að troða öllu þessu inn í skúrinn nema að laga aðeins til þar áður, svo ég henti öllu út úr skúrnum og ekki nóg með það heldur henti ég hurðinni á skúrnum út á tún á meðan. Tók ég síðan garðslönguna (af hverju heitir það garðslanga?) heita þá slöngurnar á þvottaplönum þvottaplansslöngur? ég vil bara kalla þetta vatnsslöngur en hvað með það, ég sprautaði skúrinn að innan og það voru þá ekki fáar áttfætlurnar sem tóku til fótanna og fóru hratt yfir enda með átta fætur!!!! Raðaði síðan öllu inn aftur, svo snyrtilega að þegar allt var komið inn var svo mikið pláss eftir að það hefði ekki verið svona mikið pláss þó svo að skúrinn væri tómur. Svo var ekki stutt síðan lóðin var slegin og enn lengra síðan slegið var þar sem trampóið stóð, áður en það hóf sig til flugs án þess að hafa fengið til þess þar til gerða flugtaksheimild. Þar var grasið búið að spretta svo lengi að það var farið að leggjast, og ég er ekki frá því að það var farið að vaxa niður aftur. En ég er sáttur við þennan hvíldardag og þykist hafa gert vel að gera veturklárt. Og það er minna en þrír mánuðir til JÓLA, svo það má fara að snjóa mín vegna, bara einhversstaðar annarsstaðar. Og annað, öll tré eiga bara heima útí skógi!!! og þessi skógur á að vera utanbæjar. Einn sem ég þekki var að fella tré í gær hjá nágranna sínum, hann varð fyrir trénu einhvernveginn og var fluttur til Reykjavíkur með þyrlu, hálsbrotinn, og er búinn að fara í tvær aðgerðir í dag og önnur tók ekki NEMA 7 klukkutíma. Svo eru sumir sem sjá ekki skóginn fyrir trjánum. Það er allt önnur saga. 
Ahhhhhhhhhhhhhhhhh RITVERKURINN Ahhhhhhhhhh, kvalræðiskveðjur, TT

Hæ alles, það er best að ég segi sem minnst, það segir meira en mörg orð!!!!
Annars ekkert nýtt, samt betra en ónýtt.
Hvað finnst okkur um handrukkun?
Sá einhver Kompás síðast?  Það ætti að gefa, ekki selja,  veiðileyfi á svona helv....  djö....... bölvaða ribbalda sem berja fólk, já það ætti bara að berja þá, ha?
Bless,  TT

Hæ alles, leti eða tímahrak kannski réttara með ritstörfin. Betra en úrhrak.Vaknaði á miðvikudas"morguninn"  kl 02:56 við SMÁ blástur utandyra, var þá ekki afturganga fellibylsins Ike á mikilli hraðför út fjörðinn, já, hann fór frekar geyst yfir má segja. Ég reyndi að missa meðvitund aftur og tókst það í svona 15 mínútur.  Galopnaði sjáöldrin aftur þegar Ike henti grillinu okkar á hliðina (eins gott að maður var ekki með lambaafturfótasneiðar á grillinu) þá varð maður að skeinast á benene og ég út og hastaði á Ike en hann lognaðist ekkert við það, heldur fauk enn frekar í hann, já, hann veðraðist allur upp má segja og leist mér ekki á kauða. Trampolínið var að hefja sig til flugs og átti ég engan spotta en vírhönk var til í  kotinu sem kom að góðum notum og víraði ég niður trampóið við girðingu. Þá tók sig trampólín Dísu nágranna sig til og vildi ekki vera minni (maður) en okkar trampó og hóf sig til flugs en hafði ekki nógu langa flugbraut og stoppaði við næsta tré. Og enn styttist vírhönkin því ég batt girðinguna við það trampó líka.
Síðan var það hjá Jóa granna að grillið þar var eitthvað að sýna á sér fararsnið en ábreiðan þar var orðin losaraleg og tók ég hana af, einnig voru þungir blómapottar farnir á hliðina og húsgögn farin að hreyfast, nei, það var enginn í andaglasi. Svo brotnaði tré Skúla granna og lagðist ofan á bílinn hans og skemmdist hann eitthvað við það, þ.e.a.s. bíllinn, ekki Skúli.
Ahhhhhhhhhh , RITVERKURINN meira seinna bless, Trausti

Hæ alles,
dagurinn hjá mér fór nú aðallega í lóðarí þ.e. slá lóðina, reyta arfa og rabarbara,  Linda Rún var rakari og síðan að koma því svo á viðeigandi stað á gámasvæðinu. Ég er kannski rakur en Haddi er rakari en það er önnur saga.
Barbara Ara bar Ara araba bara rabarbara= Kiddi Fúsa hélt á Gvendi indverja bara rabarbara
en það er líka önnur saga.
Ætlaði að mála eitthvað í dag en var með málverk frá síðasta máli.....
Hér hefur verrið mannskaðaveður í allan dag hitinn vel yfir meðallagi þannig að maður klæddi sig bara eftir því, bumban, stuttbuxur og jesúskórnir.
Segi ekki meir.

Bless í bili, Trausti.

Hæ allir sem hafa verið að leita eftir kallinum.
Hef verið með svo mikinn ritverk að ég hef verið svo lítið hérna....
Nú er ég konulaus í kotinu því að hún Jóa mín er farin til Danmerkur í frekara nám sem er barararararasta snilld hjá henni en það er ósköp tómlegt hérna heima á kvöldin.
Kvöldin eru kaldlynd útá nesi
kafaldsbylur hylur hæð og lægð o.s.frv.
Ahhhhhhh, þarna er ritverkurinn að segja til sín aftur svo ég segi bara
 bæbæ for now Trausti

Var að lesa á textavarpinu að Íraksstríðið (stríðsrekstur bandarikjahers) kostar skattgreiðendur í USA (US and A) ekki nema 915.000.000.000 íslenskar krónur, segi og skrifa níuhundruð og fjórtán milljarða króna Á MÁNUÐI!!!!!!! sem gerir bara ca  38.125.000.000 kr. á DAG, sem svo gerir einungis 1.588.541.000 kr. á TÍMANN!!!!!!! sem  gera bara 26,475,000 kr á MÍNÚTU og síðan en ekki síst 441,250 íslenskar krónur á SEKÚNDU!!!!!!!!!!!!!!!!!!!!!HVAÐ ER ÞETTA EIGINLEGA MEÐ ÞENNAN BUSH? Hann vill bara fá meiri aura í þennan, leyfi ég mér að segja HELVÍTIS stríðsrekstur sem mann og fleiri menn ætla lifandi að drepa, og gera.  Er ekki komið nóg með þessar "hurðarsprengjur" og allt það. Allavega finnst mér það. Kannski það hefði átt að leyfa þessum runna (Bush) að brenna í skógareldunum í Kaliforníu, nei,nei maður segir ekki svona, bara skrifar það    :). Úr einum í annan, eða úr einu í annað, þvílík rigning hér á Reyðarfirði í dag, já og á öllu landinu reyndar. Betra hefði verið að þessi rigning hefði fallið í Kaliforníu nema á einn runna kannski!!!!!!!!!!!!!!!!!!!!! En landsmenn góðir, við skulum ekki taka lífið of alvarlega, við lifum það hvort sem er ekki af.      Take care,bye-bye for now. Trausti.

Jájá, ég er bara alsæll með þetta allt saman og ég veit ekki hvað og hvað. Já, og ekkert meira um það :):)   Jeremy Kyle heitir breskur gaur sem er með eigin sjónvarpsþátt á ITV-2 sem heitir Jeremy Kyle show og þar gerist ýmislegt sem sést ekki í íslensku sjónvarpi. Sjón er sko sögu ríkari hvað það snertir. Ég er að verða eins og verstu kerlingar, þær bara VERÐA að sjá hina eða þessa sápuna, sem allar skila mismiklu löðri. Ég festist algerlega við skjáinn ef maður kveikir á ibmanum og Jeremy er í gangi. Það er sko löður í lagi. :) Sjá, algert "möst".  Svo kveð ég eins og hann gerir alltaf, take care, bye-bye for now. Trausti..........................

Hæ, ég var að fara á vinnustaðinn minn en eins og fram hefur komið áður þá er þetta ekki vinna ,heldur starf. Nóg um það en við erum tveir sem eigum að vera í aðalhliðinu sem sagt ég og Pétur Orri Gíslason. Nú við komum okkur í hliðið og Pétur sagðist þurfa að skreppa aðeins. Mér varð það á að spyrja hvort hann væri bara farinn aftur. Hann sagðist vera að fara að horfa á einn leik upp í FTV, fótboltaleik!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! hann kæmi aftur um kl. 20:30!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! HVAÐ ER ÞAÐ???????????????Ég spurði hvort hann væri ekki að grínast?? Nei, sagði hann, nú af hverju? spurði hann á móti. Andlitið á mér sagði meira en mörg velvalin og sérvalin orð móti, og ég sagði að það væri bara langbest að halda kjafti, þá yrði ekkert haft eftir manni. Ég þarf að koma að máli við yfirmenn og kanna hvort maður geti fengið að skreppa aðeins frá þegar billiard mót væri í gangi einhversstaðar.
Pétur er annálaður Man Utd. fan og væri örugglega fínn í "húligans" hóp. Hooligans=fótboltabullur.Ðis is sikk on hæ level. En sandskoti er leiðinlegt að vera í aðalhliðinu, betra væri að vera í tölvuleysinu í einangruninni í Vesturhliðinu. Þar er reyndar bara opið á daginn (06:00- 19:00) og hefur verið síðan á föstudaginn og annað og betra, það eru ekki sömu kallar á vakt þar alla daga, heldur er bara skipt, þessi þennan dag annar næsta dag og enn annar þarnæsta dag. Og ég var þarna í 2 vikur samfellt. Skil ekki enn hvað ég hafði gert af mér til að fá þannig refsingu:) Sennilega er skýringin sú að ég get borið þyngri byrðar en allir þessir guttar til samans, pottþétt. bæbæ for now, Trausti, með hausverk:)

Hvað er eiginlega í gangi með þessa sandkassakalla (krakka) þarna í Rey-kjavík. Mér er nákvæmlega alveg hreint slétt
sama þó að þeir steli sandi frá hverjum öðrum og mér er alveg sama þó að sé meiri sandur í þessu horninu eða hinu í sandkassanum. Sumir fá gefins sand frá Bjarna í miðju kassans, aðrir fara í fýlu því að Bjössi komst yfir sandinn hans Villa sem vissi ekkert hvað var að gerast. Villa var hent út úr sandkassanum og í malarhrúguna og ég veit ekki hvað og hvað. Senda ætti alla þessa fja..... sandkassakalla til Sahara og láta þá hafa nokkrar arkir af sandpappír og segja við þá að ef þeir villtust þá væri gott að hafa landakort af Sahara, sem sagt sandpappírinn!!!!!!!!  Jæja þá, gott í bili:)  bæbæ for now. Trausti